Os contos do avó, mulleres galegas

 

Hai uns meses, avoíño viaxeiro achegouse ao CPI de Zas para contarnos unhas apaixoantes historias sobre mulleres da nosa terra galega. Uns relatos repletos de fervor, forza, coraxe e moito humor.

 

Deixámosvos unha mostra da actividade co alumnado de Educación Infantil e 1º de Educación Primaria.

 

 

 

 

Piratrans CARABARCO.

O alumnado de 6º de Educación Infantil e 1º de Educación Primaria, participou na Semana Diversa do CPI de Zas, nesta bonita historia dun Piratiña un chico "diferente". 

 Así, puideron reflexionar sobre a diversidade das persoas e os seus corpos, e a importancia do bo trato e o respecto polas diferenzas. 

 

Grazas á Asociación Nós Mesmas de Vigo por axudarnos a educar na diversidade e crear espazos libres de LGTBIfobia.

 

Luísa Villalta: mar, música e palabra.

 

No marco das actividades do 17 de maio Día das Letras Galegas; as alumnas e alumnos de 1º e 2º ciclo de Educación Primaria do CPI de Zas, tiveron a sorte de coñecer a figura da nosa homenaxeada do ano 2024, Luísa Villalta, da man de “Polo correo do vento”. 

Con esta iniciativa artística enmarcada no proxecto DONAS DE SI, pretendemos recuperar e pór en valor o traballo das mulleres da nosa comunidade.

Deixámosvos unha mostra deste orixinal contacontos ilustrado, no que aprendemos un pouquiño da vida e obra desta escritora, filóloga e violinista galega.

 

Mulleres referentes na música galega

 

Luz Casal, A banda la loba, Cristina Pato ou Susana Seivane entre outras; mulleres referentes da música galega que o alumnado de Música e Danza de 5º e 6º de Educación Primaria tivo a oportunidade de coñecer, e pór en valor con esta actividade.