Booktubers. Memorias do silencio. Eva Mejuto

Para todas esas persoas bibliófilas, deixámosvos algunhas recomendacións de lecturas de escritoras galegas,  a través das reseñas que as alumnas e alumnos de 4ºESO fixeron na materia de Lingua Galega e Literatura.

Michael recomenda "Memorias do silencio" de Eva Mejuto.

 

 

Espazo feminista: "Donas de si"

 

Como peche do Proxecto “Donas de Zas” do curso 2022-2023, deixámosvos imaxes deste novo espazo feminista do noso centro. Pretendemos ofrecer un recuncho de difusión e divulgación de materiais para educar en igualdade.

Aquí poderedes atopar o material facilitado dende a Consellería, así como un código QR vinculado a este Blog.

Sabiades que foron as alumnas e alumnos de 1º de Educación Primaria as e os artistas que se encargaron de darlle cor?

 

Aprendendo inglés con mulleres galegas

O alumnado de 4º da ESO, aprende Inglés con Concepción Arenal, a través dunha actividade que consistíu na lectura da biografía adaptada de Concepción Arenal, cunha tarefa de "gap filling" de revisión do tempo de pasado, e outra tarefa de lectura comprensiva e reflexión sobre este referente feminino, e a situación da igualdade entre homes e mulleres na sociedade actual.

Pasive voice with active women

 Na materia de Inglés as alumnas e os alumnos de 4º da ESO, aprenderon a voz pasiva da man de mulleres moi ACTIVAS e inspiradoras, como Malala Yousafzai, Ruth Bader Ginsbury ou Loujain al-Hathlo.

Malala Yousafzai: activista pakistaní coñecida pola súa loita en prol dos dereitos das nenas e mulleres. Sufríu un atentado que case lle costa a vida. Gaña o Nobel da Paz con 17 anos.
Ruth Bader: xuíza e xurista estadounidense que destacou, especialmente polo seu traballo na loita pola igualdade de xénero. 
Loujain al-Hathloul: encabeza o movemento «Women to drive» en Arabia Saudita, que protestaba en contra da prohibición ás mulleres de conducir automóbiles.

Deixámosvos a mostra gráfica das actividades elaboradas polo alumando e da presentación na aula.