Comunidade Vagalume

 

"Algo leva acontecendo na Comunidade Vagalume dende fai séculos… as vagalumes femias perden paulatinamente a súa luz ata deixar de brillar de todo. Ano tras ano, década tras década…sucede este feito sen sorprender nin a elas mesmas nin a ningún individuo que conforma esta comunidade. E tan cotiá a perdida da súa luz interior que esta circunstancia é algo normalizado e naturalizado entre a tribo… só un grupo de crianzas vagalumes con moito espírito de reflexión e crítica conseguen darse conta e cambiar este feito!"

Así comeza o Obradoiro "Comunidade vagalume" da Asociación Visibles. Deixámosvos unhas imaxes deste conto dirixido a alumnado de Infantil e 1º ciclo de Primaria, no que abordamos os roles e estereotipos de xénero que conducen á discriminación da metade da poboación: as mulleres.

Maruxa Mallo

 

No marco das actividades do 8 de marzo, as alumnas e alumnos de Educación Infantil do CPI de Zas, tiveron a sorte de coñecer a figura da nosa artista viveirense Maruxa Mallo, da man de “Polo correo do vento”. 

Con esta iniciativa artística enmarcada no proxecto DONAS DE SI, pretendemos recuperar e pór en valor o traballo das mulleres da nosa comunidade.

Deixámosvos unha mostra deste orixinal Contacontos ilustrado, no que aprendemos un pouquiño da vida e obra desta artista galega ao ritmo do ukelele.